Ukurasa 580

وَمِنَ ٱلَّيْلِ فَٱسْجُدْ لَهُۥ وَسَبِّحْهُ لَيْلًا طَوِيلًا﴿٢٦﴾

Na usiku msujudie Yeye, na umtakase usiku, wakati mrefu.

إِنَّ هَـٰٓؤُلَآءِ يُحِبُّونَ ٱلْعَاجِلَةَ وَيَذَرُونَ وَرَآءَهُمْ يَوْمًا ثَقِيلًا﴿٢٧﴾

Kwa hakika watu hawa wanapenda maisha ya kidunia, na wanaiacha nyuma yao siku nzito.

نَّحْنُ خَلَقْنَـٰهُمْ وَشَدَدْنَآ أَسْرَهُمْ ۖ وَإِذَا شِئْنَا بَدَّلْنَآ أَمْثَـٰلَهُمْ تَبْدِيلًا﴿٢٨﴾

Sisi tumewaumba, na tukavitia nguvu viungo vyao. Na tukitaka tutawabadilisha mfano wao wawe badala yao.

إِنَّ هَـٰذِهِۦ تَذْكِرَةٌ ۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا﴿٢٩﴾

Hakika haya ni mawaidha; basi anaye taka atashika Njia ya kwenda kwa Mola wake Mlezi.

وَمَا تَشَآءُونَ إِلَّآ أَن يَشَآءَ ٱللَّهُ ۚ إِنَّ ٱللَّهَ كَانَ عَلِيمًا حَكِيمًا﴿٣٠﴾

Wala hamwezi kutaka ila atakapo Mwenyezi Mungu. Hakika Mwenyezi Mungu ni Mwenye ilimu, Mwenye hikima.

يُدْخِلُ مَن يَشَآءُ فِى رَحْمَتِهِۦ ۚ وَٱلظَّـٰلِمِينَ أَعَدَّ لَهُمْ عَذَابًا أَلِيمًۢا﴿٣١﴾

Humuingiza amtakaye katika rehema yake. Na wenye kudhulumu amewawekea adhabu iliyo chungu.

وَٱلْمُرْسَلَـٰتِ عُرْفًا﴿١﴾

Naapa kwa zinazo tumwa kwa upole!

فَٱلْعَـٰصِفَـٰتِ عَصْفًا﴿٢﴾

Na zinazo vuma kwa kasi!

وَٱلنَّـٰشِرَٰتِ نَشْرًا﴿٣﴾

Na zikaeneza maeneo yote!

فَٱلْفَـٰرِقَـٰتِ فَرْقًا﴿٤﴾

Na zinazo farikisha zikatawanya!

فَٱلْمُلْقِيَـٰتِ ذِكْرًا﴿٥﴾

Na zinazo peleka mawaidha!

عُذْرًا أَوْ نُذْرًا﴿٦﴾

Kwa kuudhuru au kuonya,

إِنَّمَا تُوعَدُونَ لَوَٰقِعٌ﴿٧﴾

Hakika mnayo ahidiwa bila ya shaka yatakuwa!

فَإِذَا ٱلنُّجُومُ طُمِسَتْ﴿٨﴾

Wakati nyota zitakapo futwa,

وَإِذَا ٱلسَّمَآءُ فُرِجَتْ﴿٩﴾

Na mbingu zitakapo pasuliwa,

وَإِذَا ٱلْجِبَالُ نُسِفَتْ﴿١٠﴾

Na milima itakapo peperushwa,

وَإِذَا ٱلرُّسُلُ أُقِّتَتْ﴿١١﴾

Na Mitume watakapo wekewa wakati wao,

لِأَىِّ يَوْمٍ أُجِّلَتْ﴿١٢﴾

Kwa siku gani hiyo wamewekewa muda huo?

لِيَوْمِ ٱلْفَصْلِ﴿١٣﴾

Kwa siku ya kupambanua!

وَمَآ أَدْرَىٰكَ مَا يَوْمُ ٱلْفَصْلِ﴿١٤﴾

Na nini kitakacho kujuulisha siku ya kupambanua ni nini?

وَيْلٌ يَوْمَئِذٍ لِّلْمُكَذِّبِينَ﴿١٥﴾

Ole wao, siku hiyo hao wanao kanusha!

أَلَمْ نُهْلِكِ ٱلْأَوَّلِينَ﴿١٦﴾

Kwani hatukuwaangamiza walio tangulia?

ثُمَّ نُتْبِعُهُمُ ٱلْـَٔاخِرِينَ﴿١٧﴾

Kisha tukawafuatilizia walio fuatia?

كَذَٰلِكَ نَفْعَلُ بِٱلْمُجْرِمِينَ﴿١٨﴾

Ndio kama hivi tuwatendavyo wakosefu!

وَيْلٌ يَوْمَئِذٍ لِّلْمُكَذِّبِينَ﴿١٩﴾

Ole wao siku hiyo hao wanao kanusha!